ترتيب وتنسيق

وش البس ومع ايش البسه؟


بسم الله الرحمن الرحيم 
السلام عليكم ورحمة الله وبركاتة  
حياكم الله في مدونتي،،، هذه نصائح وأساليب بسيطة ساعدتني شخصياً 
في الترتيب والتنسيق والاستفادة من قطعي 

اولاً

المشكلة والحل تبدأ بطريقة ترتيب خزانتك 

.طريقة الترتيب توضح لك وش عندك من القطع بحيث انك تشوفينها بشكل كامل وواضح وتتذكرين الموجود –


.يعتقد الكثير من الناس أن كثرة الخيارات تساعد على الأناقة وانا اعتقد عكس ذلك 

 كثرة الخيارات تسبب ازدحام وتشتت ،ويحتار الشخص من اين يبدا 
غير أن كثرة الملابس تسبب صعوبة في الترتيب 
السر في الاختيارات الصحيحة وليس عددها 
.والسر الثاني هو طريقة تنسيقك لكل قطعة 
، اقترح عليك في كل مرة تشترين قطعة جديدة أن تفكري في ٣ تنسيقات مختلفة لها 
.بحيث تكونين استغليتي كل قطعة 

                         ترتيب الخزانة  

:اولاً
تخلصي من كل القطع اللي انتي متأكدة في قرارة نفسك انك ماراح تلبسينها 
هذا اذا نحفت بلبسه
هذا يمكن احتاجه
هذا شريته غالي حرام ارميه
 اذا القطعه مر عليها وقت طويل ما لبستيها  طلعيها للمسلمين ينتفعون فيها بدال ماهي مضيقة عليك المكان  ومافي شخص مستفيد ومستمتع فيها 

:ثانياً 
 افرزي  القطع الناقصة اللي محتاجة تنسيق وتعديل 
تنورة مالها توب فستان يحتاج تعديل 
بنطلون محتاج تقصير 
التعديلات اجمعيها بكيس وحطيها بالسيارة عشان تتذكرين وانتي رايحة وجايه تمرين الخياط او حطي دبوس وارسليها تتعدل 

ضروري يكون لك خياط شاطر تتعاملين معاه او خياطة 
نصف الاناقة بالمقاسات المضبوطة 


                                   التنسيق  

اذا احترتي كيف تنسقينها 
الحل هو البحث  أستخدمي الانترنت وابحثي عن القطعه اون لاين او ماشابهها وكيف الناس لبستها  نفترض  عندي قطعه صفرا ماعرفت انسقها ابحث بالانترنت واشوف طريقة التنسيق وخيارات الألوان 
وارد جداً تلقين قطع مناسبة لها من خزانتك وانا انصح دائما تبدين من خزانتك وتعيدين تنسيقها قبل تشترين
.اي شي جديد 
بالنسبة للبحث دائماً باللغة الانجليزية خيارات العربي محدودة جداً للأسف 
:النصيحة الثانية للتنسيق
اول ماتشترين القطعة لاتفتحين الكيس لين تكونين رايقة وعندك وقت للتنسيق 
قيسيها وطلعي لها تنسيقات من خزانتك نفسها جربي كل الخيارات واطلعي من إطارك القديم شوي وتجرأي تجربين خيارات جديدة 
بالنسبة لي انا اقيس اي شي جديد مع كل شي حتى الاكسسوارات بحيث يكون عندي فكرة اذا جيت البس وانا مستعجلة ايش اللوك كامل بيكون 
النصيحة الآخيرة للتنسيق
نرجع للخياط الشاطر الي يستاهل انك تاخذين وقتك تدورين وتجربين لين تلقينه 
اذا انتي عارفه ايش الستايل المناسب مع القطعه الي عندك لاتضيعين وقتك تدورينها بالاسواق وخلي الخياط ينفذها لك 
ليش لأن اغلب الناس اذا طولت القطعة عندهم ما انلبست ينسونها أو يكرهونها 
وبالنسبه للخياط اذا عندك شي جاهز قصته مناسبة عطيه ينفذ عليه وينسخه أفضل ونسبة نجاح النسخ عند الخياطين افضل 

واجمل الاشياء هي التفاصيل الصغيرة  

اهتمي وخذي وقتك بتنسيق التفاصيل لانها هي اللي تصنع الفرق وتبين ستايلك الخاص
فيك 
انوي لكم الفائدة وشكراً لوقتك 

نُشر بواسطة BSHAYER ALQUNAIBET

انا بشاير القنيبط مصممة أزياء واشارككم كل ما اعرف عن الفاشن خط الأزياء الخاص بي على انستقرام @BSHAYERALQUNAIBET

One thought on “ترتيب وتنسيق

  1. نقطة كُل ماقلَت القطع كل ما أبدعتِي أكثر جربتها وحبييت التغير الكبير اللي صار وقتها،إستمري .

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.

%d مدونون معجبون بهذه: